bach jaa.e javānī meñ jo duniyā kī havā se — Riyaz Khairabadi

hindostāñ meñ dhuum hai kis kī zabān kī
vo kaun hai 'riyāz' ko jo jāntā nahīñ

ye kam-baḳht ik jahān-e-ārzū hai
na ho koī hamārā dil ho ham huuñ

aisī hī intizār meñ lazzat agar na ho
to do ghaḌī firāq meñ apnī basar na ho

zarā jo ham ne unheñ aaj mehrbāñ dekhā
na ham se pūchhiye kyā rañg-e-āsmāñ dekhā

haa.e zanjīr-shikan vo kashish-e-fasl-e-bahār
aur zindāñ se nikalnā tire dīvāne kā

itnī pī hai ki ba.ad-e-tauba bhī
be-piye be-ḳhudī sī rahtī hai