ye jism tang hai siine mein bhi lahu kam hai — Pallav Mishra

hamaaraa kaam to mausam kaa dhyaan karnaa hai
aur us ke baa'd ke sab kaam shash-jahaat ke hain

— Pallav Mishra

main ek khaana-ba-dosh huun jis kaa ghar hai duniyaa
so apne kaandhe pe le ke ye ghar bhaTak rahaa huun

— Pallav Mishra

main tujh se milne samay se pahle pahunch gayaa thaa
so tere ghar ke qarib aa kar bhaTak rahaa huun

— Pallav Mishra

ye tai huaa thaa ki khuub roeinge jab mileinge
ab us ke shaane pe sar hai to hanste jaa rahe hain

— Pallav Mishra

main apni maut se khalvat mein milnaa chaahtaa huun
so meri naav mein bas main huun naakhudaa nahin hai

— Pallav Mishra

shahr-e-jaan mein vabaaon kaa ik daur thaa main adaa-e-tanaffus mein kamzor thaa
zindagi phir miri yuun bachaai gai meri shah-rag haTaa di gai yaa akhi

— Pallav Mishra

main baDaa ho gayaa huun magar bachpanaa
mere dil se kabhi bhi gayaa hi nahin

— Divyansh Rawat

unhein apne dil ki khabrein mire dil se mil rahi hain
main jo un se ruuTh jaaun to payaam tak na pahunche

— Shakeel Badayuni

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

us ke munh pe mukar gayaa thaa dil
aaj had se guzar gayaa thaa dil

— Divyansh Rawat

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

— Nida Fazli

main badalte hue haalaat mein Dhal jaataa huun
dekhne vaale adaakaar samajhte hain mujhe

— Shahid Zaki