agar na toDtaa baisaakhiyaan hamaari samay — Praveen Sharma Shajar

maanaa ki raat taaron ko ginnaa 'ajib hai
lekin kisi ko niind na aae to kyaa kare

— Praveen Sharma Shajar

khudaa kaa shukr pareshaaniyaan milin ham ko
vagarna bachche hi rahte baDe na ho paate

— Praveen Sharma Shajar

mujh se kaise nibhaaogi bolo
mere hisse mein jaaedaad nahin

— Praveen Sharma Shajar

mire khat ko agar paDhnaa zaraa saa ghaur se paDhnaa
mire khat mein shikaayat ke 'alaava bhi bahut kuchh hai

— Praveen Sharma Shajar

dekhte hain ki mohabbat mein taraqqi kyaa ho
ik barahman ne kahaa hai ki ye saal achchhaa hai

— Praveen Sharma Shajar

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

ret par ik nishaan hai shaayad
ye hamaaraa makaan hai shaayad

— Muzaffar Abdali

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

— Irfan Sattar

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

— Aabid Adeeb

aasmaan jhaank rahaa hai 'khaalid'
chaand kamre mein mire utraa hai

— Khalid Sharif

ghulaami mein na kaam aati hain shamshirein na tadbirein
jo ho zauq-e-yaqin paidaa to kaT jaati hain zanjirein

— Allama Iqbal