dil-e-tabaah ki izaa-parastiyaan maalum — Prem Kumar Nazar

aaegi har taraf se havaa dastakein liye
unchaa makaan banaa ke bahut khiDkiyaan na rakh

— Prem Kumar Nazar

rakh di hai us ne khol ke khud jism ki kitaab
saada varaq pe le koi manzar utaar de

— Prem Kumar Nazar

ji chaahtaa hai haath lagaa kar bhi dekh lein
us kaa badan qabaa hai ki us ki qabaa badan

— Prem Kumar Nazar

usi ke zikr se ham shahr mein hue badnaam
vo ek shakhs ki jis se hamaari bol na chaal

— Prem Kumar Nazar

lafz chhin jaaein magar tahrir ho raushan jahaan
honT hon khaamosh lekin guftugu baaqi rahe

— Prem Kumar Nazar

ek angDaai se saare shahr ko niind aa gai
ye tamaashaa main ne dekhaa baam par hotaa huaa

— Prem Kumar Nazar

bil-aakhir thak haar ke yaaro ham ne bhi taslim kiyaa
apni zaat se ishq hai sachchaa baaqi sab afsaane hain

— Ibn

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

na paak hogaa kabhi husn o ishq kaa jhagDaa
vo qissa hai ye ki jis kaa koi gavaah nahin

— Haidar Ali Aatish

sabhi se jab mohabbat chaahte ho
mohabbat kyon nahin karte sabhi se

— Saleem Amrohvi

kisi se ishq apnaa kyaa chhupaaein
mohabbat Tapki paDti hai nazar se

— Meer Mehdi Majrooh

nahin vo sham-e-mohabbat rahi to phir 'aasim'
ye kis duaa se mire ghar mein raushni si hai

— Asim Wasti