toDaa nahin jaa saktaa paimaan mohabbat kaa — Qadr Oraizi

jis ko khud apnaa eatibaar na ho
aise insaan kaa eatibaar na kar

— Qadr Oraizi

log tujh ko haqir samjheinge
had se zaaid bhi inkisaar na kar

— Qadr Oraizi

be-rabtiyon ne 'qadr' miTaai jo rabt ki
hai gosht ko bhi apne na ab ustukhvaan se rabt

— Qadr Oraizi

duniyaa ko ham se kaam na duniyaa se ham ko kaam
khaatir se teri rakhte hain saare-jahaan se rabt

— Qadr Oraizi

kyuun ishq ke jhagDe ko le jaataa hai uqbaa mein
kar khaatma duniyaa mein duniyaa ki musibat kaa

— Qadr Oraizi

khaamosh is tarah se na jal kar dhuaan uThaa
ai shama kuchh to bol kabhi to zabaan uThaa

— Qadr Oraizi

bil-aakhir thak haar ke yaaro ham ne bhi taslim kiyaa
apni zaat se ishq hai sachchaa baaqi sab afsaane hain

— Ibn

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

sabhi se jab mohabbat chaahte ho
mohabbat kyon nahin karte sabhi se

— Saleem Amrohvi

na paak hogaa kabhi husn o ishq kaa jhagDaa
vo qissa hai ye ki jis kaa koi gavaah nahin

— Haidar Ali Aatish

nahin vo sham-e-mohabbat rahi to phir 'aasim'
ye kis duaa se mire ghar mein raushni si hai

— Asim Wasti

dil-e-haris hi apnaa na ho sakaa qaane
vagarna tere karam mein to kuchh kami na rahi

— Soz Hoshiarpuri