zaraa ruuTh jaane pe itni khushaamad — Qamar Jalalvi

sunaa hai ghair ki mahfil mein tum na jaaoge
kaho to aaj sajaa luun gharib-khaane ko

— Qamar Jalalvi

har vaqt mahviyat hai yahi sochtaa huun main
kyuun barq ne jalaayaa miraa aashiyaan na puchh

— Qamar Jalalvi

nasheman khaak hone se vo sadma dil ko pahunchaa hai
ki ab ham se koi bhi raushni dekhi nahin jaati

— Qamar Jalalvi

'qamar' afshaan chuni hai rukh pe us ne is saliqe se
sitaare aasmaan se dekhne ko aae jaate hain

— Qamar Jalalvi

unhein khat mein likkhaa thaa dil muztarib hai javaab un kaa aayaa mohabbat na karte
tumhein dil lagaane ko kis ne kahaa thaa bahal jaaegaa dil bahalte bahalte

— Qamar Jalalvi

zabt kartaa huun to ghuTtaa hai qafas mein miraa dam
aah kartaa huun to sayyaad khafaa hotaa hai

— Qamar Jalalvi

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

ye zindagi hai apni kabhi khush kabhi udaas
is kashmakash se mujh ko khudaayaa rihaai de

— Zebunnisaa Zaibii

tum aake lauT gae phir bhi ho yahin maujud
tumhaare jism ki khushbu mire makaan mein hai

— Abbas Dana

nahin nahin main bahut khush rahaa huun tere baghair
yaqin kar ki ye haalat abhi abhi hui hai

— Irfan Sattar

aaina to 'aibon ki khabar detaa hai 'aasif'
khush-fahmi-e-insaan kaa magar koi kare kyaa

— Akhtar Asif

us ko sochun to dhyaan mein mere
khushbu aati hai pahli baarish ki

— Vibha Jain 'Khwaab'