ek majzub udaasi mere andar gum hai — Rafi Raza

kis ne rokaa hai sar-e-raah-e-mohabbat tum ko
tumhein nafrat hai to nafrat se tum aao jaao

— Rafi Raza

agarche vaqt munaajaat karne vaalaa thaa
miraa mizaaj savaalaat karne vaalaa thaa

— Rafi Raza

dhuup chhaanv kaa koi khel hai binaai bhi
aankh ko DhunD ke laayaa huun to manzar gum hai

— Rafi Raza

main saamne se uThaa aur lau larazne lagi
charaagh jaise koi baat karne vaalaa thaa

— Rafi Raza

paDaa huaa huun main sajde mein kah nahin paataa
vo baat jis se ki halkaa ho kuchh zabaan kaa bojh

— Rafi Raza

tu khud apni misaal hai vo to hai
isi apni misaal mein mujhe mil

— Rafi Raza

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

jab ki pahlu se yaar uThtaa hai
dard be-ikhtiyaar uThtaa hai

— Mir Taqi Mir

ye aansu ponchh lijiye aur muskuraaiye
chaara nahin hai koi bhi rukhsat kiye baghair

— Nasim Zahid

husn jalva dikhaa gayaa apnaa
ishq baiThaa rahaa udaas kahin

— Saifuddin Saif

main ne apni palkon par gham-kade sajaae hain
aarzu ke maatam mein sogvaar hasti hai

— Hanif Fauq

ham haal to kah sakte hain apnaa pa kahein kyaa
jab vo idhar aate hain to tanhaa nahin aate

— Nazeer Akbar Abadi