utro khud apni zaat ki gahraai mein 'khalish' — Rauf Khalish

jazb kar ke rakh lenaa dastakein hatheli mein
jab se main safar mein huun ham-safar hain darvaaze

— Rauf Khalish

guzarte vaqt ke aasaar kaun chhoD gayaa
zamaane Tal gae lekin aTal rahe hain sutun

— Rauf Khalish

bikharte khvaabon se taabir ke dhundlakon tak
muhaajrat ne kachoke bahut lagaae hain

— Rauf Khalish

jis tanaazur mein bhi dekho khush-jamaalon ko 'khalish'
zaaviya bigDaa nazar kaa saare bigDe zaaviye

— Rauf Khalish

zakhmon ko phuul kar de tanhaaiyon ko marham
sau qurbaton pe bhaari hijrat kaa ek mausam

— Rauf Khalish

kahin hujum mein tanhaai mil gai thi mujhe
main ro diyaa tiri yaadon se guftugu kar ke

— Rauf Khalish

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

— Jafar Shirazi

us shaan-e-aajizi ke fidaa jis ne 'aarzu'
har naaz har ghurur ke qaabil banaa diyaa

— Arzoo Lakhnavi

main ne apni palkon par gham-kade sajaae hain
aarzu ke maatam mein sogvaar hasti hai

— Hanif Fauq

hai kahaan tamannaa kaa dusraa qadam yaa-rab
ham ne dasht-e-imkaan ko ek naqsh-e-paa paayaa

— Mirza Ghalib

bin maange mil rahaa ho to khvaahish fuzul hai
suraj se raushni ki guzaarish fuzul hai

— Shahid Zaki

chal su-e-gor-e-garibaan ai haris-e-maal-o-zar
dekh kitni aarzuein nazr-e-madfan ho gaiin

— Auj Lakhnavi