jalaa charaagh-e-'adam to 'ajab ujaalaa huaa — Riasath Ali Asrar

chaandni surkh si dikhaai de
ye moharram kaa chaand hai 'asraar'

— Riasath Ali Asrar

ham na aae junun ke bas mein kabhi
ye garebaan khirad ne chaak kiyaa

— Riasath Ali Asrar

be-karaan dasht-e-tasavvur mein bhaTakne ke nuqush
mauj-dar-mauj saraabon se ubharte honge

— Riasath Ali Asrar

aap ham se judaa nahin hote
aap par ikhtiyaar hai koi

— Riasath Ali Asrar

kyaa us se bichhaDte ki mile hi na the jis se
ik-tarfa mohabbat ke bhi hain zaaviye kyaa kyaa

— Riasath Ali Asrar

mahv hain hazrat-e-khayaal apne
haal-e-dil mein muraaqiba baandhe

— Riasath Ali Asrar

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

— Jafar Shirazi

kin manzilon luTe hain mohabbat ke qaafile
insaan zamin pe aaj gharib-ul-vatan saa hai

— Ada Jafarey

dimaagh un ke tajassus mein jism ghar mein rahaa
main apne ghar hi mein rahte hue safar mein rahaa

— Anjum Siddiqui

yaad aai hai to phir TuuT ke yaad aai hai
koi guzri hui manzil koi bhuli hui dost

— Ahmad Faraz

yuun to maujud apne ghar mein hai
aadmi mustaqil safar mein hai

— Saleem Amrohvi