baad mein rakhe saraabon ke dayaaron mein qadam — Riyaz Latif

kabhi to manzaron ke is tilism se ubhar sakun
khaDaa huun dil ki sath par khud apne intizaar mein

— Riyaz Latif

kisi ne ham ko ataa nahin ki hamaari gardish hai apni gardish
khud apni marzi se is jahaan ki ragon mein girdaab ham hue hain

— Riyaz Latif

bas lahu ki buund thi ehsaas mein
phir ugaayaa dasht ne ik sar nayaa

— Riyaz Latif

khudaa ki khamoshi mein shaayad ho us kaa vajud
zamaana huaa naam apnaa pukaare hue

— Riyaz Latif

zamin phail gai hai hamaari ruuh talak
jahaan kaa shor ab andar sunaai detaa hai

— Riyaz Latif

yahin par khatm honi chaahiye thi ek duniyaa
yahin se baat kaa aaghaaz honaa chaahiye thaa

— Riyaz Latif

bil-aakhir thak haar ke yaaro ham ne bhi taslim kiyaa
apni zaat se ishq hai sachchaa baaqi sab afsaane hain

— Ibn

jab ki pahlu se yaar uThtaa hai
dard be-ikhtiyaar uThtaa hai

— Mir Taqi Mir

kaabe ko jaataa kis liye hindostaan se main
kis but mein shahr-e-hind ke shaan-e-khudaa na thi

— Rind Lakhnavi

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

— Nida Fazli

dekhe na mujhe kyunkar az-chashm-e-hiqaarat-u
vo sarv-e-javaan yaaro man-faakhta-e-piram

— Nazeer Akbar Abadi

yaad aai hai to phir TuuT ke yaad aai hai
koi guzri hui manzil koi bhuli hui dost

— Ahmad Faraz