is tarah duniyaa se meri hai nibaah — Rohit Rahi

paarsaai kaa tujhe 'rohit' milegaa kyaa samar
kahte hain duniyaa jise sadiyon se be-tartib hai

— Rohit Rahi

in bahaaron ki havaaon ko shikaayat ham se hai
ham kali ko lams se gul karte hain jaan-e-jigar

— Rohit Rahi

'ishq ki fitrat sadaa aazaad hai
qaid mein dair-o-haram ki kab rahaa

— Rohit Rahi

qaid kyaa dair-o-haram ki zaahido
jalva-gar hai har taraf meraa sanam

— Rohit Rahi

huun khafaa saare zamaane se faqat tere liye
'ishq ki tauhid mere tu kabhi to jaanegaa

— Rohit Rahi

pattharon ke ye sanam sunte hain kab
kaifiyat apni khudaa hi jaane hain

— Rohit Rahi