'ishq ki fitrat sadaa aazaad hai — Rohit Rahi

paarsaai kaa tujhe 'rohit' milegaa kyaa samar
kahte hain duniyaa jise sadiyon se be-tartib hai

in bahaaron ki havaaon ko shikaayat ham se hai
ham kali ko lams se gul karte hain jaan-e-jigar

qaid kyaa dair-o-haram ki zaahido
jalva-gar hai har taraf meraa sanam

huun khafaa saare zamaane se faqat tere liye
'ishq ki tauhid mere tu kabhi to jaanegaa

ham-mizaaji kaa na yuun daa'vaa karo
aashnaa honaa miraa aasaan nahin

pattharon ke ye sanam sunte hain kab
kaifiyat apni khudaa hi jaane hain

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

ye aansu ponchh lijiye aur muskuraaiye
chaara nahin hai koi bhi rukhsat kiye baghair

ham haal to kah sakte hain apnaa pa kahein kyaa
jab vo idhar aate hain to tanhaa nahin aate

main ne apni palkon par gham-kade sajaae hain
aarzu ke maatam mein sogvaar hasti hai

husn jalva dikhaa gayaa apnaa
ishq baiThaa rahaa udaas kahin