mauj-e-dariyaa kaa koi khauf nahin hai lekin — Saddam Husain Muzmar

nashtar-e-'mir' hain tiri baatein
phuljhaDi-vuljhaDi nahin jaanaan

— Saddam Husain Muzmar

ab to khvaahish bhi yahi hai ki hamaare hisse
hijr aayaa hai faqat hijr hi aataa jaae

— Saddam Husain Muzmar

phuul lagte hain zaraa der se avval avval
shaakh-e-gul par bhi miyaan khaar hi lagte hain naa

— Saddam Husain Muzmar

tum ko jiine ke bhi aate nahin atvaar magar
ham ko marne ke bhi me'yaar samajh aate hain

— Saddam Husain Muzmar

ek khitte mein rahaa pyaas kaa 'aalam barpaa
ek khitte mein bahut TuuT ke barsaa paani

— Saddam Husain Muzmar

main tishna-labi par bhi rahaa khush ki miraa zarf
khaali hai magar soch se logon ki baDaa hai

— Saddam Husain Muzmar

chaand bhi hairaan dariyaa bhi pareshaani mein hai
aks kis kaa hai ki itni raushni paani mein hai

— Farhat Ehsas

miri is chashm-e-tar se abr-e-baaraan ko hai kyaa nisbat
ki vo dariyaa kaa paani aur ye khun-e-dil hai barsaati

— Nazeer Akbar Abadi

mujid jo nuur kaa hai vo meraa charaagh hai
parvaana huun main anjuman-e-kaaenaat kaa

— Agha Hajju Sharaf

sab ummidein mire aashob-e-tamannaa tak thiin
bastiyaan ho gaiin gharqaab to dariyaa utraa

— Hasan Abidi

dil ki lahron kaa tul-o-arz na puchh
kabhu dariyaa kabhu safinaa hai

— Shaikh Zahuruddin Hatim

chaand hai paani mein yaa bhule hue chehre kaa aks
saahil-e-dariyaa pe dekho main bhi hairaani mein huun

— Kausar Mazhari