log bimaar hain hasad ke sabab — Saleem Amrohvi

sabhi se jab mohabbat chaahte ho
mohabbat kyon nahin karte sabhi se

— Saleem Amrohvi

tumhaaraa zikr jab se aa gayaa hai
maza aane lagaa hai guftugu mein

— Saleem Amrohvi

yuun to maujud apne ghar mein hai
aadmi mustaqil safar mein hai

— Saleem Amrohvi

adab mein bhi luTere aa gae hain
kahaan rakkhun khayaal apnaa bachaa kar

— Saleem Amrohvi

main jitnaa sabr kartaa jaa rahaa huun
vo utnaa aazmaataa jaa rahaa hai

— Saleem Amrohvi

fazaa mein zahr gholaa jaa rahaa hai
baDi mushkil se bolaa jaa rahaa hai

— Saleem Amrohvi

jab ki pahlu se yaar uThtaa hai
dard be-ikhtiyaar uThtaa hai

— Mir Taqi Mir

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

ye aansu ponchh lijiye aur muskuraaiye
chaara nahin hai koi bhi rukhsat kiye baghair

— Nasim Zahid

ham haal to kah sakte hain apnaa pa kahein kyaa
jab vo idhar aate hain to tanhaa nahin aate

— Nazeer Akbar Abadi

main ne apni palkon par gham-kade sajaae hain
aarzu ke maatam mein sogvaar hasti hai

— Hanif Fauq

husn jalva dikhaa gayaa apnaa
ishq baiThaa rahaa udaas kahin

— Saifuddin Saif