izhaar-e-muddaaa kaa iraada thaa aaj kuchh — Shad Azimabadi

iid mein iid hui aish kaa saamaan dekhaa
dekh kar chaand jo munh aap kaa ai jaan dekhaa

— Shad Azimabadi

naazuk thaa bahut kuchh dil meraa ai 'shaad' tahammul ho na sakaa
ik Thes lagi thi yuun hi si kiyaa jald ye shisha TuuT gayaa

— Shad Azimabadi

talab karein bhi to kyaa shai talab karein ai 'shaad'
hamein to aap nahin apnaa muddaaa maalum

— Shad Azimabadi

dekhaa kiye vo mast nigaahon se baar baar
jab tak sharaab aai kai daur ho gae

— Shad Azimabadi

dil-e-muztar se puchh ai raunaq-e-bazm
main khud aayaa nahin laayaa gayaa huun

— Shad Azimabadi

jab kisi ne haal puchaa ro diyaa
chashm-e-tar tu ne to mujh ko kho diyaa

— Shad Azimabadi

kaho kyaa mehrbaan naa-mehrbaan taqdir hoti hai
kahaa maan ki duaaon mein baDi taasir hoti hai

— Anjum Khaleeq

nahin vo sham-e-mohabbat rahi to phir 'aasim'
ye kis duaa se mire ghar mein raushni si hai

— Asim Wasti

sikhaa na duaaon mein qanaaat kaa saliqa
vo maang rahaa huun jo muqaddar mein nahin hai

— Asim Wasti

abr barse to inaayat us ki
shaakh to sirf duaa karti hai

— Parveen Shakir

kami kuchh apne hi zauq-e-talab mein hai varna
du'aa kaa harf kabhi be-asar nahin jaataa

— Haneef Najmi

zamaane-bhar ki duaaein mire liye thiin magar
main chaahtaa hi nahin thaa ki sabr aa jaae

— Haseebul Hasan