dil-e-muztar se puchh ai raunaq-e-bazm — Shad Azimabadi

khamoshi se musibat aur bhi sangin hoti hai
taDap ai dil taDapne se zaraa taskin hoti hai

ye bazm-e-mai hai yaan kotaah-dasti mein hai mahrumi
jo baDh kar khud uThaa le haath mein miinaa usi kaa hai

ab bhi ik umr pe jiine kaa na andaaz aayaa
zindagi chhoD de pichhaa miraa main baaz aayaa

sun chuke jab haal meraa le ke angDaai kahaa
kis ghazab kaa dard zaalim tere afsaane mein thaa

jaise miri nigaah ne dekhaa na ho kabhi
mahsus ye huaa tujhe har baar dekh kar

dekhaa kiye vo mast nigaahon se baar baar
jab tak sharaab aai kai daur ho gae

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

'ishq mein intihaa ki had na hui
'aashiqi teri mustanad na hui

mohabbat phuul banne par lagi thi
palaT kar phir kali kar li hai main ne

kuchh aur vus'atein darkaar hain mohabbat ko
visaal-o-hijr pe daar-o-madaar mushkil hai

urdu mein baat kijiye urdu mein boliye
haq hai zabaan kaa pyaar kaa ras is mein gholiye