lagaa ke ThaT hai har suunaa muraadi — Shad Lakhnavi

khudaa kaa Dar na hotaa gar bashar ko
khudaa jaane ye banda kyaa na kartaa

— Shad Lakhnavi

visaal-e-yaar se duunaa huaa ishq
maraz baDhtaa gayaa juun juun davaa ki

— Shad Lakhnavi

na taDapne ki ijaazat hai na fariyaad ki hai
ghuT ke mar jaaun ye marzi mire sayyaad ki hai

— Shad Lakhnavi

javaani se ziyaada vaqt-e-piri josh hotaa hai
bhaDaktaa hai charaagh-e-subh jab khaamosh hotaa hai

— Shad Lakhnavi

vo nahaa kar zulf-e-pechaan ko jo bikhraane lage
husn ke dariyaa mein pinhaan saanp lahraane lage

— Shad Lakhnavi

ham na bigDeinge agar chasm-numaai hogi
phir kahin aankh laDaai to laDaai hogi

— Shad Lakhnavi

main baDaa ho gayaa huun magar bachpanaa
mere dil se kabhi bhi gayaa hi nahin

— Divyansh Rawat

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

unhein apne dil ki khabrein mire dil se mil rahi hain
main jo un se ruuTh jaaun to payaam tak na pahunche

— Shakeel Badayuni

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

— Nida Fazli

us ke munh pe mukar gayaa thaa dil
aaj had se guzar gayaa thaa dil

— Divyansh Rawat

chaand ne taan li hai chaadar-e-abr
ab vo kapDe badal rahi hogi

— Jaun Elia