shaayad isi kaa naam mohabbat hai 'sheftaa' — Shefta Mustafa Khan

ham taalib-e-shohrat hain hamein nang se kyaa kaam
badnaam agar honge to kyaa naam na hogaa

— Shefta Mustafa Khan

itni na baDhaa paaki-e-daamaan ki hikaayat
daaman ko zaraa dekh zaraa band-e-qabaa dekh

— Shefta Mustafa Khan

izhaar-e-ishq us se na karnaa thaa 'sheftaa'
ye kyaa kiyaa ki dost ko dushman banaa diyaa

— Shefta Mustafa Khan

hazaar daam se niklaa huun ek jumbish mein
jise ghurur ho aae kare shikaar mujhe

— Shefta Mustafa Khan

jis lab ke ghair bose lein us lab se 'sheftaa'
kambakht gaaliyaan bhi nahin mere vaaste

— Shefta Mustafa Khan

fasaane yuun to mohabbat ke sach hain par kuchh kuchh
baDhaa bhi dete hain ham zeb-e-daastaan ke liye

— Shefta Mustafa Khan

bil-aakhir thak haar ke yaaro ham ne bhi taslim kiyaa
apni zaat se ishq hai sachchaa baaqi sab afsaane hain

— Ibn

sabhi se jab mohabbat chaahte ho
mohabbat kyon nahin karte sabhi se

— Saleem Amrohvi

na paak hogaa kabhi husn o ishq kaa jhagDaa
vo qissa hai ye ki jis kaa koi gavaah nahin

— Haidar Ali Aatish

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

baat karnaa pyaar ki aasaan se aasaan hai
ishq karnaa karte rahnaa hai kaThin se bhi kaThin

— Raghvendra Dwivedi

nahin vo sham-e-mohabbat rahi to phir 'aasim'
ye kis duaa se mire ghar mein raushni si hai

— Asim Wasti