sunne mein aa rahe hain masarrat ke vaaqiaat — Sheri Bhopali

qayaamat hai ye kah kar us ne lauTaayaa hai qaasid ko
ki un kaa to har ik khat aakhiri paighaam hotaa hai

— Sheri Bhopali

ye baazi mohabbat ki baazi hai naadaan
ise jitnaa hai to haare chalaa jaa

— Sheri Bhopali

mohabbat maani o alfaaz mein laai nahin jaati
ye vo naazuk haqiqat hai jo samjhaai nahin jaati

— Sheri Bhopali

baraabar khafaa hon baraabar manaaein
na tum baaz aao na ham baaz aaein

— Sheri Bhopali

abhi to dil mein halki si khalish mahsus hoti hai
bahut mumkin hai kal is kaa mohabbat naam ho jaae

— Sheri Bhopali

tamannaa hai yahi dil ki vahin chaliye vahin chaliye
vo mahfil aah jis mahfil mein duniyaa luT gai apni

— Sheri Bhopali

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

ret par ik nishaan hai shaayad
ye hamaaraa makaan hai shaayad

— Muzaffar Abdali

pyaaso raho na dasht mein baarish ke muntazir
maaro zamin pe paanv ki paani nikal paDe

— Iqbal Sajid

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

— Irfan Sattar

kaho kyaa mehrbaan naa-mehrbaan taqdir hoti hai
kahaa maan ki duaaon mein baDi taasir hoti hai

— Anjum Khaleeq