un ko har zulm par du'aaein diin — Sujit Sahgal Haasil

jab ye panne kitaabon ke gal jaaeinge
mol bhi kyaa kahaani ke Dhal jaaeinge

— Sujit Sahgal Haasil

ho gae bebas kai ustaad bhi haalaat se
bik rahi chhup-chhup ke yuun har roz bechaari ghazal

— Sujit Sahgal Haasil

mujh ko joDaa hai toD kar khud ko
us ne mujh ko bikhartaa paayaa jab

— Sujit Sahgal Haasil

rok ke apni aankh ke aansu hans kar us ko rukhsat di
tab samjhe hain yaaro ham bhi shahnaai kyaa hoti hai

— Sujit Sahgal Haasil

dekh teri sohbaton kaa kyaa asar aayaa hai aaj
ek aavaara parinda phir se ghar aayaa hai aaj

— Sujit Sahgal Haasil

yuun imtihaan meraa lete rahe masaail
ik haath par thaa dariyaa ik haath par thaa saahil

— Sujit Sahgal Haasil

kaho kyaa mehrbaan naa-mehrbaan taqdir hoti hai
kahaa maan ki duaaon mein baDi taasir hoti hai

— Anjum Khaleeq

nahin vo sham-e-mohabbat rahi to phir 'aasim'
ye kis duaa se mire ghar mein raushni si hai

— Asim Wasti

abr barse to inaayat us ki
shaakh to sirf duaa karti hai

— Parveen Shakir

sikhaa na duaaon mein qanaaat kaa saliqa
vo maang rahaa huun jo muqaddar mein nahin hai

— Asim Wasti

main ne din raat khudaa se ye duaa maangi thi
koi aahaT na ho dar par mire jab tu aae

— Bashir Badr

bole vo muskuraa ke bahut iltijaa ke baad
ji to ye chaahtaa hai tiri maan jaaiye

— Bekhud Dehlvi