mujh ko joDaa hai toD kar khud ko — Sujit Sahgal Haasil

jab ye panne kitaabon ke gal jaaeinge
mol bhi kyaa kahaani ke Dhal jaaeinge

ho gae bebas kai ustaad bhi haalaat se
bik rahi chhup-chhup ke yuun har roz bechaari ghazal

rok ke apni aankh ke aansu hans kar us ko rukhsat di
tab samjhe hain yaaro ham bhi shahnaai kyaa hoti hai

dekh teri sohbaton kaa kyaa asar aayaa hai aaj
ek aavaara parinda phir se ghar aayaa hai aaj

un ko har zulm par du'aaein diin
sabr ki aur intihaa kyaa hai

yuun imtihaan meraa lete rahe masaail
ik haath par thaa dariyaa ik haath par thaa saahil