jab ye panne kitaabon ke gal jaaeinge — Sujit Sahgal Haasil

ho gae bebas kai ustaad bhi haalaat se
bik rahi chhup-chhup ke yuun har roz bechaari ghazal

mujh ko joDaa hai toD kar khud ko
us ne mujh ko bikhartaa paayaa jab

rok ke apni aankh ke aansu hans kar us ko rukhsat di
tab samjhe hain yaaro ham bhi shahnaai kyaa hoti hai

dekh teri sohbaton kaa kyaa asar aayaa hai aaj
ek aavaara parinda phir se ghar aayaa hai aaj

un ko har zulm par du'aaein diin
sabr ki aur intihaa kyaa hai

yuun imtihaan meraa lete rahe masaail
ik haath par thaa dariyaa ik haath par thaa saahil

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

gul kiyaa jis ne vo thaa aur magar
shama ne shikva havaaon se kiyaa

gulaabon ke honTon pe lab rakh rahaa huun
use der tak sochnaa chaahtaa huun

kahaan milegi misaal meri sitamgari ki
ki main gulaabon ke zakhm kaanTon se si rahaa huun

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

dilon mein hubb-e-vatan hai agar to ek raho
nikhaarnaa ye chaman hai agar to ek raho