main vo sahraa jise paani ki havas le Duubi — Sultan Akhtar

ik khauf-e-be-panaah hai aankhon ke aar-paar
taarikiyon mein Dubtaa lamha hai saamne

— Sultan Akhtar

safar safar mire qadmon se jagmagaayaa huaa
taraf taraf hai miri khaak-e-justuju raushan

— Sultan Akhtar

fursat mein rahaa karte hain fursat se zyaada
masruf hain ham log zarurat se zyaada

— Sultan Akhtar

hamaari saada-mizaaji pe rashk karte hain
vo saada-posh jo be-intihaa rangile hain

— Sultan Akhtar

saamne aankhon ke phir yakh-basta manzar aaegaa
dhuup jam jaaegi aangan mein december aaegaa

— Sultan Akhtar

sab ke honTon pe munavvar hain hamaare qisse
aur ham apni kahaani bhi nahin jaante hain

— Sultan Akhtar

main baDaa ho gayaa huun magar bachpanaa
mere dil se kabhi bhi gayaa hi nahin

— Divyansh Rawat

unhein apne dil ki khabrein mire dil se mil rahi hain
main jo un se ruuTh jaaun to payaam tak na pahunche

— Shakeel Badayuni

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

us ke munh pe mukar gayaa thaa dil
aaj had se guzar gayaa thaa dil

— Divyansh Rawat

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

— Nida Fazli

main badalte hue haalaat mein Dhal jaataa huun
dekhne vaale adaakaar samajhte hain mujhe

— Shahid Zaki