khvaab aur nindon kaa khatm ho gayaa rishta — Syeda Nafis Bano Shama

bahut ghurur thaa biphre hue samundar ko
magar jo dekhaa mire aansuon se kam-tar thaa

— Syeda Nafis Bano Shama

nigaah o dil mein vahi karbalaa kaa manzar thaa
main tishna-lab thi mire saamne samundar thaa

— Syeda Nafis Bano Shama

mehr-o-vafaa khulus-e-tamannaa milan ki aas
kuchh kam nahin ki ham ne ye moti bachaa liye

— Syeda Nafis Bano Shama

khiDkiyaan khol luun har shaam yunhi sochon ki
phir usi raah se yaadon ko guzartaa dekhun

— Syeda Nafis Bano Shama

mere khvaabon ke jharokon ko sajaate rahiye
na sahi vasl magar yaad to aate rahiye

— Jatinder Vir Yakhmi Jayaveer

hamaaraa ishq ravaan hai rukaavaTon mein 'zafar'
ye khvaab hai kisi divaar se nahin ruktaa

— Zafar Iqbal

afsos umr kaT gai ranj-o-malaal mein
dekhaa na khvaab mein bhi jo kuchh thaa khayaal mein

— Imdad Imam Asar

par katar paai jab na khvaabon ke
band hi kar diin khiDkiyaan main ne

— Ameeta Parsuram Meeta

main ne dekhaa hai bahaaron mein chaman ko jalte
hai koi khvaab ki taabir bataane vaalaa

— Ahmad Faraz

balaa-e-jaan thi jo bazm-e-tamaashaa chhoD di main ne
khushaa ai zindagi khvaabon ki duniyaa chhoD di main ne

— Abu Mohammad Sahar