nigaah o dil mein vahi karbalaa kaa manzar thaa — Syeda Nafis Bano Shama

bahut ghurur thaa biphre hue samundar ko
magar jo dekhaa mire aansuon se kam-tar thaa

khvaab aur nindon kaa khatm ho gayaa rishta
muddaton se aankhon mein rat-jagon kaa mausam hai

mehr-o-vafaa khulus-e-tamannaa milan ki aas
kuchh kam nahin ki ham ne ye moti bachaa liye

khiDkiyaan khol luun har shaam yunhi sochon ki
phir usi raah se yaadon ko guzartaa dekhun

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

husain aaj bhi qaaem hai apni surat par
yazid chehre badaltaa hai har zamaane mein

kise kahein ki rifaaqat kaa daagh hai dil par
bichhaDne vaalaa to khul kar kabhi milaa hi na thaa

miri zabaan ke mausam badalte rahte hain
main aadmi huun miraa e'tibaar mat karnaa

badal gayaa hai zamaana badal gai duniyaa
na ab vo main huun miri jaan na ab vo tu tu hai