vo jo dariyaa ke biich rahtaa hai — Tajdar Adil

har musaafir ke saath aataa hai
ik nayaa raasta hamesha se

— Tajdar Adil

milaa thaa hijr ke raste mein subh ki maanind
bichhaD gayaa thaa musaafir se raat hone tak

— Tajdar Adil

duniyaa-bhar mein jitne manzar achchhe hain
un kaa husn aur shor havaa kaa tere naam

— Tajdar Adil

vo is kamaal se khelaa thaa ishq ki baazi
main apni fath samajhtaa thaa maat hone tak

— Tajdar Adil

tumhaari yaad baDhi aur dil huaa raushan
ye ek shama andhere ne khud jalaa li hai

— Tajdar Adil

zakhm kab kaa thaa dard uThaa hai ab
us ke jaane kaa dukh huaa hai ab

— Tajdar Adil

mujid jo nuur kaa hai vo meraa charaagh hai
parvaana huun main anjuman-e-kaaenaat kaa

— Agha Hajju Sharaf

chaand hai paani mein yaa bhule hue chehre kaa aks
saahil-e-dariyaa pe dekho main bhi hairaani mein huun

— Kausar Mazhari

chaand bhi hairaan dariyaa bhi pareshaani mein hai
aks kis kaa hai ki itni raushni paani mein hai

— Farhat Ehsas

miri is chashm-e-tar se abr-e-baaraan ko hai kyaa nisbat
ki vo dariyaa kaa paani aur ye khun-e-dil hai barsaati

— Nazeer Akbar Abadi

dil ki lahron kaa tul-o-arz na puchh
kabhu dariyaa kabhu safinaa hai

— Shaikh Zahuruddin Hatim

sab ummidein mire aashob-e-tamannaa tak thiin
bastiyaan ho gaiin gharqaab to dariyaa utraa

— Hasan Abidi