dekh kar tum ko hairati huun main — Talib Husain Talib

kisi kaa milnaa, bichhaDnaa aur ek do baatein
tamaam silsila zeb-e-qalam na kar paayaa

— Talib Husain Talib

aaj phir chaand der se niklaa
tum ne phir der kar di aane mein

— Talib Husain Talib

main chaand bhej rahaa huun ki tum ko dekh aae
tumhaare shahr mein ab shaam ho gai hogi

— Talib Husain Talib

maal-o-zar ki qadr kyaa? khun-e-jigar ke saamne
ahl-e-duniyaa hech hain ahl-e-hunar ke saamne

— Talib Husain Talib

phir miraa dhyaan gyaan TuuT gayaa
phir tiri bhuuk maarti hai mujhe

— Talib Husain Talib

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

ret par ik nishaan hai shaayad
ye hamaaraa makaan hai shaayad

— Muzaffar Abdali

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

— Aabid Adeeb

ghulaami mein na kaam aati hain shamshirein na tadbirein
jo ho zauq-e-yaqin paidaa to kaT jaati hain zanjirein

— Allama Iqbal

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

— Parveen Shakir

aasmaan jhaank rahaa hai 'khaalid'
chaand kamre mein mire utraa hai

— Khalid Sharif