badan mein aag hai roghan mire khayaal mein hai — Vipul Kumar

har mulaaqaat pe siine se lagaane vaale
kitne pyaare hain mujhe chhoD ke jaane vaale

— Vipul Kumar

ik lamha-e-firaaq pe vaaraa gayaa mujhe
kaisi hasin shaam mein maaraa gayaa mujhe

— Vipul Kumar

ik roz khel khel mein ham us ke ho gae
aur phir tamaam umr kisi ke nahin hue

— Vipul Kumar

us hijr pe tohmat ki jise vasl ki zid ho
us dard pe laanat ki jo ashaar mein aa jaae

— Vipul Kumar

itnaa hairaan na ho meri anaa par pyaare
ishq mein bhi kai khuddaar nikal aate hain

— Vipul Kumar

vo ek haath baDhaaegaa tujh ko paa legaa
so dekh sabr kaa elaan bhi ziyaada nahin

— Vipul Kumar

donon ke dil mein khauf thaa maidaan-e-jang mein
donon kaa khauf faasla thaa darmiyaan kaa

— Mohammad Alvi

leaderi chaaho to lafz-e-qaum hai mehmaan-navaaz
gap-navison ko aur ahl-e-mez ko raazi karo

— Akbar Allahabadi

pahle ye sochtaa rahtaa thaa ki tanhaa ho jaaun
aaj tanhaa huun to tanhaai se Dar lagtaa hai

— Moid Rahbar Lakhnavi

gham ki dahshat-gardi mein bhi dil ko khole rakkhaa ham ne
varna is maahaul mein shahron shahron taale paD jaate hain

— Mukesh Aalam

vo subh ko is Dar se nahin baam par aataa
naama na koi baandh de suraj ki kiran mein

— Munawar Khan Ghafil

meri nisbat se kare tujh ko na rusvaa duniyaa
khauf paltaa rahaa kal tujh se mulaaqaat ke baa'd

— Syed Kamran Zubair Kami