vo subh ko is Dar se nahin baam par aataa — Munawar Khan Ghafil

sitaare gum hue khurshid niklaa
araq jab yaar ne ponchhaa jabin se

apne majnun ki zaraa dekh to be-parvaai
pairahan chaak hai aur fikr silaane ki nahin

kucha-e-jaanaan mein yaaro kaun suntaa hai miri
mujh se vaan phirte hain laakhon daad aur be-daad mein

kaun dariyaa-e-mohabbat se utar saktaa hai paar
kashti-e-farhaad aakhir koh se Takraa gai

baad marne ke miri qabr pe aayaa 'ghaafil'
yaad aai mire iisaa ko davaa mere baad

vasl mein bhi nahin majaal-e-sukhan
is rasaai pe naa-rasaa hain ham

aankhon mein meri subh-e-qayaamat gai jhamak
siine se us pari ke jo parda ulaT gayaa

vo miri subhon kaa taaraa vo miri raaton kaa chaand
mere dil ki raushni to thaa magar meraa na thaa

din nahin raat nahin subh nahin shaam nahin
rah gai ek nahin haan kaa kahin naam nahin

jalve machal paDe to sahar kaa gumaan huaa
zulfein bikhar gaiin to siyah raat ho gai

jab jaal machhere ne sameTaa hai alassubh
TuuTaa huaa ik chaand bhi taalaab se niklaa

khatm hone ko hai hukumat-e-shab
ik nai subh shama-daan mein hai