tire kalaam ne kaisaa asar kiyaa vaaiz — Waliullah Muhib

in do ke sivaa koi falak se na huaa paar
yaa tiir miri aah kaa yaa us ki nazar kaa

— Waliullah Muhib

tum gaao apne raag ko us paas vaaizo
mushtaaq jo gadhaa ho tumhaare alaap kaa

— Waliullah Muhib

kaabe mein vahi khud hai vahi dair mein hai aap
hindu kaho yaa us ko musalmaan vahi hai

— Waliullah Muhib

khat kaa ye javaab aayaa ki qaasid gayaa ji se
sar ek taraf loTe hai aur ek taraf dhaD

— Waliullah Muhib

barahman dair ko raahi huaa aur shaikh kaabe ko
nikal kar us doraahe se main ku-e-yaar mein aayaa

— Waliullah Muhib

jab nashe mein ham ne kuchh miThe ki khvaahish us se ki
tursh ho bolaa ki kyuun be tu bhi is laaeq huaa

— Waliullah Muhib

mere khvaabon ke jharokon ko sajaate rahiye
na sahi vasl magar yaad to aate rahiye

— Jatinder Vir Yakhmi Jayaveer

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

koi viraani si viraani hai
dasht ko dekh ke ghar yaad aayaa

— Mirza Ghalib

yaad aai hai to phir TuuT ke yaad aai hai
koi guzri hui manzil koi bhuli hui dost

— Ahmad Faraz

ek parchhaain tasavvur ki mire saath rahe
main tujhe bhulun magar yaad mujhe tu aae

— Gulnar Aafreen

jiinaa taDap taDap kar marnaa sisak sisak kar
fariyaad ek ji hai kyaa kyaa kharaabiyon mein

— Siraj Aurangabadi