use bahisht ke zindaan mein bhej denaa tum — Waseem Khairabadi

falak bedaad kartaa hai jo jaur ijaad karte hain
ghazab shaagird Dhaataa hai sitam ustaad karte hain

— Waseem Khairabadi

aasmaanon par bhi hain charche husn-e-aalamgir ke
chaand ne bhi rang uDaae chaand si tasvir ke

— Waseem Khairabadi

jurm itne kar chalaa huun hashr tak likkheinge roz
kaatib-e-aamaal paaeinge na fursat kaam se

— Waseem Khairabadi

bil-aakhir thak haar ke yaaro ham ne bhi taslim kiyaa
apni zaat se ishq hai sachchaa baaqi sab afsaane hain

— Ibn

na paak hogaa kabhi husn o ishq kaa jhagDaa
vo qissa hai ye ki jis kaa koi gavaah nahin

— Haidar Ali Aatish

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

sabhi se jab mohabbat chaahte ho
mohabbat kyon nahin karte sabhi se

— Saleem Amrohvi

husn jalva dikhaa gayaa apnaa
ishq baiThaa rahaa udaas kahin

— Saifuddin Saif

dil-e-haris hi apnaa na ho sakaa qaane
vagarna tere karam mein to kuchh kami na rahi

— Soz Hoshiarpuri