'yagaanaa' vahi faateh-e-lakhknau hain — Yagana Changezi

parda-e-hijr vahi hasti-e-mauhum thi 'yaas'
sach hai pahle nahin maalum thaa ye raaz mujhe

— Yagana Changezi

jaras ne muzhda-e-manzil sunaa ke chaunkaayaa
nikal chalaa thaa dabe paanv kaarvaan apnaa

— Yagana Changezi

ajab kyaa hai ham aise garm-raftaaron ki Thokar se
zamaane ke buland-o-past kaa hamvaar ho jaanaa

— Yagana Changezi

vatan se kyaa ki havaa-e-vatan se hain bezaar
lipaT rahe jo bagulon se dasht-e-ghurbat ke

— Yagana Changezi

maut maangi thi khudaai to nahin maangi thi
le duaa kar chuke ab tark-e-duaa karte hain

— Yagana Changezi

nai zamin nayaa aasmaan nai duniyaa
ajiib shai ye tilism khayaal hotaa hai

— Yagana Changezi

bil-aakhir thak haar ke yaaro ham ne bhi taslim kiyaa
apni zaat se ishq hai sachchaa baaqi sab afsaane hain

— Ibn

na paak hogaa kabhi husn o ishq kaa jhagDaa
vo qissa hai ye ki jis kaa koi gavaah nahin

— Haidar Ali Aatish

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

sabhi se jab mohabbat chaahte ho
mohabbat kyon nahin karte sabhi se

— Saleem Amrohvi

nahin vo sham-e-mohabbat rahi to phir 'aasim'
ye kis duaa se mire ghar mein raushni si hai

— Asim Wasti

baat karnaa pyaar ki aasaan se aasaan hai
ishq karnaa karte rahnaa hai kaThin se bhi kaThin

— Raghvendra Dwivedi