shahr-e-sukhan ajiib ho gayaa hai — Yaqoob Yawar

agar vo aaj raat hadd-e-iltifaat toD de
kabhi phir us se pyaar kaa khayaal bhi na aaegaa

— Yaqoob Yawar

pahaaD jaisi azmaton kaa daakhila thaa shahr mein
ki log aagahi kaa ishtihaar le ke chal diye

— Yaqoob Yawar

lahu mahkaa to saaraa shahr paagal ho gayaa hai
main kis saf se uThun kis ke liye khanjar nikaalun

— Yaqoob Yawar

tu laa-makaan mein rahe aur main makaan mein asiir
ye kyaa ki mujh pe itaaat tiri haraam hui

— Yaqoob Yawar

aaj bhi zakhm hi khilte hain sar-e-shaakh-e-nihaal
nakhl-e-khvaahish pe vahi be-samari rahnaa thi

— Yaqoob Yawar