agar vo aaj raat hadd-e-iltifaat toD de — Yaqoob Yawar

shahr-e-sukhan ajiib ho gayaa hai
naaqid yahaan adiib ho gayaa hai

pahaaD jaisi azmaton kaa daakhila thaa shahr mein
ki log aagahi kaa ishtihaar le ke chal diye

lahu mahkaa to saaraa shahr paagal ho gayaa hai
main kis saf se uThun kis ke liye khanjar nikaalun

tu laa-makaan mein rahe aur main makaan mein asiir
ye kyaa ki mujh pe itaaat tiri haraam hui

aaj bhi zakhm hi khilte hain sar-e-shaakh-e-nihaal
nakhl-e-khvaahish pe vahi be-samari rahnaa thi

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

yuun mohabbat se na ham khaana-ba-doshon ko bulaa
itne saada hain ki ghar-baar uThaa laaeinge

nau-giraftaar-e-mohabbat huun vafaa mujh mein kahaan
kam se kam dil abhi sau baar to aane diije

thaa sab ko daavaa ishq kaa lekin na Thahraa koi bhi
daanista apni jaan se dil ko uThaayaa ek main

hazaaron kaam mohabbat mein hain maze ke 'daagh'
jo log kuchh nahin karte kamaal karte hain