rahtaa huun main jitnaa saath sab ke — Zahoor Chohan

aakhiri baar mulaaqaat to kar li hai magar
silsila apni mohabbat kaa kahaan aakhiri hai

— Zahoor Chohan

main apne aap mein taqsim hone lagtaa huun
use kaho ki mire saamne na aayaa kare

— Zahoor Chohan

kabhi kabhi to miraa ghar bhi mujh se puchhtaa hai
ki is jahaan mein koi teraa ghar bhi hai ki nahin

— Zahoor Chohan

inhi jhuke hue peDon se guftugu hai miri
janaab mere buzurgon se guftugu hai miri

— Zahoor Chohan

zindagi kitne saliqe se guzaaraa hai tujhe
muskuraate bhi rahe zakhm bhi khaate rahe ham

— Zahoor Chohan

puuri ho jaati agar koi kahaani hoti
ye mohabbat hai miyaan is mein kasak rahti hai

— Zahoor Chohan

ham haal to kah sakte hain apnaa pa kahein kyaa
jab vo idhar aate hain to tanhaa nahin aate

— Nazeer Akbar Abadi

kis ko fursat thi ki 'akhtar' dekhtaa meri taraf
main jahaan jis bazm mein jab tak rahaa tanhaa rahaa

— Akhtar Saeed Khan

go mujhe ehsaas-e-tanhaai rahaa shiddat ke saath
kaaT di aadhi sadi ek ajnabi aurat ke saath

— Anwar Shuoor

aao tum hi karo masihaai
ab bahalti nahin hai tanhaai

— Muneer Niyazi

tanhaa rahne mein bhi koi uzr nahin hai
lekin us ke saath hi tanhaa rah saktaa huun

— Zafar Iqbal

khalq be-parvaa khudaa bandon se tang aayaa huaa
main akelaa phir rahaa huun hashr ke maidaan mein

— Shahzad Ahmad