gharibi naam hai jis kaa azaab-e-jaan hoti hai — Zameer Atraulvi

hazaaron zulm hon mazlum par to chup rahe duniyaa
agar mazlum kuchh bole to dahshat-gard kahti hai

— Zameer Atraulvi

khuun ke jo rishte the ban gae azaab-e-jaan
ham ko dal ke rishton se istifaada pahunchaa hai

— Zameer Atraulvi

izn suraj ki kiran ko nahin jaane kaa jahaan
meri takhil kaa shaahin vahaan bhi pahunchaa

— Zameer Atraulvi

koi bhukaa jo fart-e-zoaf se kuchh laDkhaDaa jaae
to duniyaa tanz kasti hai use mad-mast kahti hai

— Zameer Atraulvi

umr bhar jis ne kisi kaa hukm maanaa hi nahin
nafs kaa apne magar vo shakhs kaarinda rahaa

— Zameer Atraulvi

ret par ik nishaan hai shaayad
ye hamaaraa makaan hai shaayad

— Muzaffar Abdali

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

— Aabid Adeeb

pyaaso raho na dasht mein baarish ke muntazir
maaro zamin pe paanv ki paani nikal paDe

— Iqbal Sajid

ghulaami mein na kaam aati hain shamshirein na tadbirein
jo ho zauq-e-yaqin paidaa to kaT jaati hain zanjirein

— Allama Iqbal

kaho kyaa mehrbaan naa-mehrbaan taqdir hoti hai
kahaa maan ki duaaon mein baDi taasir hoti hai

— Anjum Khaleeq