patte patte se naghma-sara kaun hai — Abdussamad ’Tapish’

na jaane kaun fazaon men zahr ghol gaya
hara-bhara sa shajar be-libas kaisa hai

— Abdussamad ’Tapish’

sab ko dikhlata hai vo chhoTa bana kar mujh ko
mujh ko vo mere barabar nahin hone deta

— Abdussamad ’Tapish’

ab nishana us ki apni zaat hai
laD raha hai ik anokhi jang vo

— Abdussamad ’Tapish’

kyuun vo milne se gurezan is qadar hone lage
mere un ke darmiyan divar rakh jaata hai kaun

— Abdussamad ’Tapish’

miri qindil-e-jan jalti hai shab bhar
zara apni bhi to rudad-e-shab likh

— Abdussamad ’Tapish’

main bhi tanha is taraf huun vo bhi tanha us taraf
main pareshan huun to huun vo bhi pareshani men hai

— Abdussamad ’Tapish’