men iztirab ke aalam men raqs karta raha — Afzal Allahabadi

"ab to har ek adakar se Dar lagta hai mujh ko dushman se nahin yaar se Dar lagta hai"

"tu jugnu hai faqat raton ke daman men basera kar main suraj huun tu mujh se ashna.i kar nahin sakta"

"ghamon ki dhuup men milte hain sa.eban ban kar zamin pe rahte hain kuchh log asman ban kar"

"ashk ankhon men liye aThon pahar dekhega kaun ham nahin honge to teri rahguzar dekhega kaun"

"har naghma-e-pur-dard har ik saaz se pahle hangama bapa hota hai aghaz se pahle"

"main chahta tha ki us ko gulab pesh karun vo khud gulab tha us ko gulab kya deta"