ishq men kaun bata sakta hai — Ahmad Mushtaq

roz milne pe bhi lagta tha ki jug biit ga.e
ishq men vaqt ka ehsas nahin rahta hai

— Ahmad Mushtaq

ye tanha raat ye gahri faza.en
use DhunDen ki us ko bhuul jaa.en

— Ahmad Mushtaq

maut khamoshi hai chup rahne se chup lag ja.egi
zindagi avaz hai baten karo baten karo

— Ahmad Mushtaq

dil fasurda to hua dekh ke us ko lekin
umr bhar kaun javan kaun hasin rahta hai

— Ahmad Mushtaq

guzre hazar badal palkon ke saa.e saa.e
utre hazar suraj ik shah-nashin-e-dil par

— Ahmad Mushtaq

mil hi ja.ega kabhi dil ko yaqin rahta hai
vo isi shahr ki galiyon men kahin rahta hai

— Ahmad Mushtaq