zikr karta hai is tarah mera — Ashique Akbarabadi

"ek rutba hai tire dar pe gada-o-shah ka asman kaae liye phirta hai mehr-o-mah ka"

"mujhe tum dekh kar samjho ki chahat aisi hoti hai mohabbat vo buri shai hai ki halat aisi hoti hai"

"tire kuche men koi huur aa jaati to main kahta ki vo jannat to kya jannat hai jannat aisi hoti hai"

"saqi-e-gulfam ne rakkhi to hai bhar kar sharab Dar hai uD jaa.e na shishe se pari ban kar sharab"

"ya ilahi is dil-e-betab ki ta.amir men kis ne patthar rakh diya tha ishq ki buniyad ka"

"gada-e-kucha-e-janan huun martaba hai baDa ki mere naam hai jagir be-nava.i ki"