sirf mere liye nahin rahna — Aslam Kolsarii

eid ka din hai so kamre men paDa huun 'aslam'
apne darvaze ko bahar se muqaffal kar ke

— Aslam Kolsarii

kanTe se bhi nichoD li ghairon ne bu-e-gul
yaron ne bu-e-gul se bhi kanTa bana diya

— Aslam Kolsarii

qarib aa ke bhi ik shakhs ho saka na mira
yahi hai meri haqiqat yahi fasana mira

— Aslam Kolsarii

jaane kis lamha-e-vahshi ki talab hai ki falak
dekhna chahe mire shahr ko jangal kar ke

— Aslam Kolsarii

jab main us ke gaanv se bahar nikla tha
har raste ne mera rasta roka tha

— Aslam Kolsarii

'aslam' baDe vaqar se degre vasul ki
aur is ke baa'd shahr men khvancha laga liya

— Aslam Kolsarii