aao husn-e-yar ki baten karen — Chiragh Hasan Hasrat

ghairon se kaha tum ne ghairon se suna tum ne
kuchh ham se kaha hota kuchh ham se suna hota

— Chiragh Hasan Hasrat

ik ishq ka gham aafat aur us pe ye dil aafat
ya gham na diya hota ya dil na diya hota

— Chiragh Hasan Hasrat

ummid to bandh jaati taskin to ho jaati
va.ada na vafa karte va.ada to kiya hota

— Chiragh Hasan Hasrat

raat ki baat ka mazkur hi kya
chhoDiye raat ga.i baat ga.i

— Chiragh Hasan Hasrat

qubul is bargah men iltija koi nahin hoti
ilahi ya mujhi ko iltija karna nahin aata

— Chiragh Hasan Hasrat

umid-e-vasl ne dhoke diye hain is qadar 'hasrat'
ki us kafir ki haan bhi ab nahin ma.alum hoti hai

— Chiragh Hasan Hasrat