ga.i thi kah ke main laati huun zulf-e-yar ki bu — Jalal Lakhnavi

"na ho barham jo bosa be-ijazat le liya main ne chalo jaane do betabi men aisa ho hi jaata hai"

"'jalal' ahd-e-javani hai doge dil sau baar abhi ki tauba nahin e'tibar ke qabil"

"va.ada kyuun baar baar karte ho khud ko be-e'tibar karte ho"

"ishq ki choT ka kuchh dil pe asar ho to sahi dard kam ho ya ziyada ho magar ho to sahi"

"shab ko mai khuub si pi sub.h ko tauba kar li rind ke rind rahe haath se jannat na ga.i"

"main ne puchha ki hai kya shaghl to hans kar bole aaj kal ham tere marne ki dua karte hain"