ham talvar uTha nahin paa.e — Mohammad Mustahsan Jami

"likh ke rakh deta huun alfaz sabhi kaghaz par lafz khud bol ke tasir bana lete hain"

"ik karb ka mausam hai jo daa.im hai abhi tak ik hijr ka qissa ki mukammal nahin hota"

"hamare purkhon ne juute ki nok par rakkhi hamare paas bhi duniya tabhi nahin aati"

"dastak dene vaale tujh ko ilm nahin darvaze ke donon janib taala hai"

"ghurbat ka ehsan tha ham par ik thali men kha sakte the"

"rang badla hua tha phulon ka tum yaqinan udaas guzre the"