lafzon ke ehtiyat ne ma.ani badal diye — Mohsin Bhopali

khanda-e-lab men nihan zakhm-e-hunar dekhega kaun
bazm men hain sab ke sab ahl-e-nazar dekhega kaun

— Mohsin Bhopali

koi surat nahin kharabi ki
kis kharabe men bas raha hai jism

— Mohsin Bhopali

pahle jo kaha ab bhi vahi kahte hain 'mohsin'
itna hai ba-andaz-e-digar kahne lage hain

— Mohsin Bhopali

iblagh ke liye na tum akhbar dekhna
ho justuju to kucha-o-bazar dekhna

— Mohsin Bhopali

nairangi-e-siyasat-e-dauran to dekhiye
manzil unhen mili jo sharik-e-safar na the

— Mohsin Bhopali

us se mil kar usi ko puchhte hain
be-khayali si be-khayali hai

— Mohsin Bhopali