bosa dene ki chiiz hai akhir — Qalaq Merathi

tujh se ai zindagi ghabra hi chale the ham to
par tashaffi hai ki ik dushman-e-jan rakhte hain

— Qalaq Merathi

be-takalluf maqam-e-ulfat hai
daagh uTThe ki aabla baiThe

— Qalaq Merathi

mohabbat vo hai jis men kuchh kisi se ho nahin sakta
jo ho sakta hai vo bhi aadmi se ho nahin sakta

— Qalaq Merathi

kya khana-kharabon ka lage tere Thikana
us shahr men rahte hain jahan ghar nahin hota

— Qalaq Merathi

asman ahl-e-zamin se kya kudurat-nak tha
mudda.i bhi khaak thi aur mudda.a bhi khaak tha

— Qalaq Merathi

tu hai harja.i to apna bhi yahi taur sahi
tu nahin aur sahi aur nahin aur sahi

— Qalaq Merathi