sher gupha se niklega — Sahil Ahmad

aaj kuaan bhi chikh uTha hai
kisi ne patthar maara hoga

— Sahil Ahmad

kis tasavvur ke tahat rabt ki manzil men raha
kis vasile ke ta.assur ka nigahban tha main

— Sahil Ahmad

bakri ''men-men'' karti hai
bakra zor lagata hai

— Sahil Ahmad

kyuun chamak uThti hai bijli baar baar
ai sitamgar le na angDa.i bahut

— Sahil Ahmad

un se ai dost mira yuun koi rishta to na tha
kyuun phir is tark-e-ta.alluq se pasheman tha main

— Sahil Ahmad

kal talak sahra basa tha aankh men
ab magar kis ne samundar rakh diya

— Sahil Ahmad