ai khal-e-rukh-e-yar tujhe Thiik banata — Shah Naseer

main us ki chashm ka bimar-e-na-tavan huun tabib
jo mere haq men munasib ho vo dava Thahra

— Shah Naseer

bana kar man ko manka aur rag-e-tan ke ta.iin rishta
uTha kar sang se phir ham ne chaknachur ki tasbih

— Shah Naseer

shauq-e-kushtan hai use zauq-e-shahadat hai mujhe
yaan se main ja.unga vaan se vo sitamgar aa.ega

— Shah Naseer

isi mazmun se ma.alum us ki sard-mehri hai
mujhe naama jo us ne kaghaz-e-kashmir par likkha

— Shah Naseer

vaqt-e-namaz hai un ka qamat-e-gah-e-khadang-o-gah-e-kaman
ban jaate hain ahl-e-ibadat gah-e-khadang-o-gah-e-kaman

— Shah Naseer

ishq hi donon taraf jalva-e-dildar hua
varna is hiir ka ranjhe ko rijhana kya tha

— Shah Naseer