hazrat-e-naseh bhi mai piine lage — Sharaf Mujaddidi

parsa ban ke su-e-mai-khana
sar jhuka.e hue ham jaate hain

— Sharaf Mujaddidi

ek ko ek nahin rashk se marne deta
ye naya kucha-e-qatil men tamasha dekha

— Sharaf Mujaddidi

shaikh kuchh apne-ap ko samjhen
mai-kashon ki nazar men kuchh bhi nahin

— Sharaf Mujaddidi

is parde men ye husn ka aalam hai ilahi
be-parda vo ho jaa.en to kya janiye kya ho

— Sharaf Mujaddidi

teri ankhen jise chahen use apna kar len
kaash aisa hi sikha den koi afsun mujh ko

— Sharaf Mujaddidi

qadmon pe gira to haT ke bole
andha hai to dekhta nahin hai

— Sharaf Mujaddidi