is parde men ye husn ka aalam hai ilahi — Sharaf Mujaddidi

hazrat-e-naseh bhi mai piine lage
ab mujhe samjhane vaala kaun tha

parsa ban ke su-e-mai-khana
sar jhuka.e hue ham jaate hain

ek ko ek nahin rashk se marne deta
ye naya kucha-e-qatil men tamasha dekha

shaikh kuchh apne-ap ko samjhen
mai-kashon ki nazar men kuchh bhi nahin

teri ankhen jise chahen use apna kar len
kaash aisa hi sikha den koi afsun mujh ko

qadmon pe gira to haT ke bole
andha hai to dekhta nahin hai